Үкімет 2025 жылғы 28 ақпандағы қаулысымен ҚР Сыртқы істер министрлігі туралы ережеге өзгерістер енгізді, деп хабарлайды inbusiness.kz сайты.

Атап айтқанда, ведомствоға келесі өкілеттіктер қосылды:

• инвесторлар тізілімін қалыптастыру, жүргізу және пайдалану, ұлттық цифрлық инвестициялық платформаның жұмысын ұйымдастыру, мемлекеттік органдар мен жергілікті атқарушы органдардың, квазимемлекеттік сектор ұйымдарының ақпараттандыру объектілерін интеграциялау тәртібін әзірлеу және бекіту;
• дипломатиялық дәрежелер беру тәртібін әзірлеу;
• бұрын дипломатиялық қызмет персоналы лауазымдарын атқарған, ҚР-дан Халықаралық ұйымдарға жұмысқа жіберілген лауазымды тұлғаларға ақшалай өтемақы төлеу және айырманы өтеу тәртібін әзірлеу;
• шетелде ҚР дипломатиялық қызмет персоналының еңбек жағдайларын әзірлеу;
• ҚР шет елдердегі мекемелеріне, оның ішінде ҚР дипломатиялық қызмет персоналының еріп жүретін отбасы мүшелерінің қатарынан жұмысқа қабылданған штаттан тыс қызметкерлердің еңбек жағдайларын әзірлеу және бекіту;
• "мемлекеттік статистика туралы"заңның 16-бабы 3-тармағының 2) тармақшасына сәйкес әкімшілік деректерді жинауға арналған нысанды мемлекеттік статистика саласындағы уәкілетті органмен келісім бойынша бекіту;
• Еңбек кодексінің 101-бабының 1-тармағына сәйкес қызметтің барлық салалары үшін еңбек жөніндегі техникалық (ғылыми) негізделген бірыңғай салааралық немесе салааралық үлгілік немесе үлгілік нормалар мен нормативтерді немесе ұйымдардың еңбек жөніндегі үлгілік нормалар мен нормативтерді әзірлеу және бекіту;
• Еңбек кодексінің 101 бабының 7 тармағына сәйкес еңбек жөніндегі уәкілетті мемлекеттік органмен келісім бойынша ол белгілеген тәртіппен ұйымдардың еңбек жөніндегі үлгілік нормалар мен нормативтерді бекіту;
• ҚР шегінен тыс орналасқан және шетелдегі дипломатиялық қызмет органдарына бекітілген мемлекеттік мүлікті иеліктен шығару тәртібін әзірлеу;
• халықаралық шарттарды басқарудың электрондық жүйесінде бастамашылық жасауға және орындауға жататын халықаралық шарттарға байланысты процестердің тізбесін әзірлеу және бекіту.

Сонымен қатар, кейбір СІМ функциялары түзетілді:

• уәкілетті адамдарды ҚР аумағынан тыс жерлерге іссапарға жіберу мақсатында "Шетелдік іссапарлар" бағдарламасы бойынша республикалық бюджетте көзделген қаражатты пайдалану қағидаларын және "сыртқы саяси қызметті үйлестіру жөніндегі қызметтер" және "шетелдегі дипломатиялық өкілдіктерді арнайы, инженерлік-техникалық және физикалық қорғауды қамтамасыз ету" 162 бағдарламасының ерекшеліктерін әзірлеу және бекіту;
• дамуға ресми көмек көрсету іс-шаралар жоспарын әзірлеу және бекіту;
• жүзеге асыру:
• шет мемлекеттердің дипломатиялық және оларға теңестірілген өкілдіктерін, халықаралық ұйымдарды және (немесе) олардың өкілдіктерін, сондай-ақ шет мемлекеттердің консулдық мекемелерін тіркеу;
• шет мемлекеттердің дипломатиялық және оларға теңестірілген өкілдіктерінің, халықаралық ұйымдардың және (немесе) олардың өкілдіктерінің басшыларын, персонал мүшелерін, ҚР-дағы шет мемлекеттердің консулдық мекемелерінің қызметкерлерін аккредиттеу;
• тәртіпті әзірлеу және бекіту:
• шет мемлекеттердің дипломатиялық және оларға теңестірілген өкілдіктерін, халықаралық ұйымдарды және (немесе) олардың өкілдіктерін, сондай-ақ шет мемлекеттердің консулдық мекемелерін тіркеу;
• шет мемлекеттердің дипломатиялық және оларға теңестірілген өкілдіктерінің, халықаралық ұйымдардың және (немесе) олардың өкілдіктерінің басшыларын, персонал мүшелерін, ҚР-дағы шет мемлекеттердің консулдық мекемелерінің қызметкерлерін аккредиттеу;
• дипломатиялық қызмет персоналын өкілдік жабдықтау туралы ережені әзірлеу және бекіту.

Бұл ретте, Министрліктің кейбір функциялары алынып тасталады:

ҚР халықаралық шарттарын жасасудың ағымдағы және перспективалық жоспарларының жобаларын әзірлеу;

ҚР халықаралық шарттарын жасасудың ағымдағы және перспективалық жоспарларын әзірлеу тәртібін айқындау;

Цифрлық трансформацияны жүргізу.

Қаулы 2025 жылғы 28 ақпаннан бастап қолданысқа енгізілді.