Ақмола облысы, Ерейментау ауданында өткен 2010-2011 жылы туған жасөспірімдер арасындағы дәстүрлі халықаралық турнир кезінде ауыр жарақат алған ақтөбелік балуан Бахтияр Ахай өмірден озды.

Бұл туралы Ақтөбе облыстық Дене шынықтыру және спорт басқармасы хабарлады, деп жазады inbusiness.kz сайты.

Белдесу барысында қарсыласының әдісінен кейін спортшы басымен құлап, мойын омыртқасынан жарақат алған. Оқиға 7 қыркүйекте болған.

Дәрігерлер барын салғанымен, жасөспірімнің өмірін сақтап қалу мүмкін болмады.

Марқұмның денесі SCAT әуе компаниясының рейсімен Ақтөбеге жеткізілді. Онымен бірге жаттықтырушысы мен туыстары да оралды.

Қонақасы бүгін өтсе, ертең жерлеу рәсімі ұйымдастырылады.