Құқық қорғаушылардың мәліметінше, Алматыда қала күніне орай бірқатар мәдени-көрсетілімдік және бұқаралық іс-шаралар жоспарланған.

Алматы қалалық полиция департаменті қала тұрғындары мен қонақтарына үндеу жасады, деп хабарлайды inbusiness.kz сайты.

"Осыған байланысты 17-21 қыркүйек аралығында Төле би көшесінде Назарбаев даңғылынан Абылай хан даңғылына дейінгі бөлікте көлік қозғалысы екі бағытта уақытша шектеледі", – делінген Алматы қалалық ПД хабарламасында.

Полиция қала тұрғындары мен қонақтарын:

• қозғалыс бағытын алдын ала жоспарлауға;
• қауіпсіздікті қамтамасыз етуге бағытталған уақытша шараларға түсіністікпен қарауға;
• жол қозғалысы ережелерін қатаң сақтауға шақырды.

Бұған дейін қала күніне орай Төле би көшесінде ауқымды дайындық жұмыстары басталғанын, концерттік іс-шараларды өткізу үшін сахна, трибуна және басқа да қажетті жабдықтар орнатылатыны айтылған еді.