0:00:00

Жаңалықтарды Telegram арнамыздан оқыңыз !

Абай облысында алдағы үш жылда 2,2 трлн теңгеге 24 инвестициялық жоба жүзеге аспақ. Биыл соның алтауы іске қосылады. Бұл туралы Президент қабылдауында болған облыс әкімі Берік Уәли баяндады. Әкімнің айтуынша, жергілікті бюджетке талдау жүргізіліп, үнемделген қаржы өзекті мәселелерге бағытталып жатыр.

«Жайлы мектеп» ұлттық жобасы аясында 5 мектеп пен оқушылар сарайының құрылысы басталды. Облыс орталығындағы аспалы көпірді реконструкциялау жобасы әзірленіп, Ертіс өзені арқылы жаңа көпір салынып жатыр. Сондай-ақ Семей қаласында айналма жол салу мәселесі пысықталуда. Мемлекет басшысы Қасым-Жомарт Тоқаев өңдеу өнеркәсібін дамыту, тұрақты жұмыс орындарын ашу және инфрақұрылымды дамытудың маңызына тоқталды. Сондай-ақ Абайдың 180 жылдығына арналған мерейтойлық іс-шараларды лайықты деңгейде ұйымдастыруды тапсырды.

Шерхан Жамбылұлы