Павлодар облысында тұрғын үйдегі өрттен алты адамның қаза табуына қатысты сотқа дейінгі тергеп-тексеру басталды, деп хабарлайды KAZ.NUR.KZ облыстық Полиция департаментінің баспасөз қызметіне сілтеме жасап.

"Полиция өрт фактісі бойынша сотқа дейінгі тергеп-тексеруді бастады. Оқиғаның мән-жайы мен себептері тергеу барысында анықталады", — делінген полиция хабарламасында.

ПД өкілдері Қылмыстық-процестік кодексінің 201-бабына сәйкес өзге мәліметтерді жария еткен жоқ.

Еске сала кетейік, бүгін, 9 қазанда Павлодар облысында тұрғын үй өрнетіп, алты адам көз жұмғаны мәлім болды. Өңірдегі ТЖД мәліметінше, өрт кезінде үйде 7 адам болған. Олардың бірі 1972 жылы туған ер адам өз бетінше сыртқа шыққан. Оны жедел жәрдем бригадасы медициналық мекемеге жеткізген, оған қажетті көмек көрсетілуде.

Оқиға орнында қаза тапқан алты адамның денесі табылған. Қазіргі уақытта марқұмдардың жеке басы анықталып жатыр.

Мәтіннен қате тапсаңыз, бізге жазыңыз