Павлодарда ақпан айының ортасында жоғалып кеткен ер адамның қайда екені туралы әлі күнге дейін ешқандай дерек түскен жоқ, деп хабарлайды Pavlodarnews.kz тілшісі.

VITA еріктілер тобының мәліметінше, 48 жастағы қала тұрғыны Абылқайыр Орумбаевты іздеу жалғасып жатыр.

Белгілі болғандай, ол соңғы рет Павлодардағы Қарағанды көшесі, 1 мекенжайы маңында көрінген.

"Жоғалған адамның белгілері: бойы шамамен 165 см, дене бітімі орташа, көзі ашық сұр, басы тақырланған. Үстінде қара күртеше, қара бас киім және қара кроссовка үлгісіндегі аяқ киім болған", – делінген хабарламада.

Еріктілер мен полиция тұрғындардан кез келген деректі хабарлауды сұрайды. Ақпарат иелері +7 777 334 82 01 (Катерина), +7 747 615 55 68 (Светлана) нөмірлеріне немесе 102 арқылы полицияға хабарласа алады.

Іздеу тобы павлодарлықтарды жоғалған азамат туралы ақпаратты әлеуметтік желілерде бөлісіп, іздестіру шараларына көмектесуге шақырады.

Посмотреть эту публикацию в Instagram

Публикация от Волонтёры Павлодара "VITA" (@poiskoviki_pavlodara_vita)

Мәтіннен қате тапсаңыз, бізге жазыңыз