Мемлекет басшысы Қазақстан мен Армения арасындағы ынтымақтастыққа қатысты екі заңға қол қойды

Президент Қасым-Жомарт Тоқаев Қазақстан мен Армения арасындағы көші-қон және азаматтардың сапарлары тәртібін реттейтін келісімдерді ратификациялады, деп хабарлайды Ақорда.

Ақорданың мәліметінше, мемлекет басшысы "Қазақстан Республикасының Үкіметі мен Армения Республикасының Үкіметі арасындағы көші-қон саласындағы ынтымақтастық туралы келісімді ратификациялау туралы" Қазақстан Республикасының заңына қол қойды.

Президент сол сияқты "Қазақстан Республикасының Үкіметі мен Армения Республикасының Үкіметі арасындағы азаматтардың сапарлары мен болу тәртібі туралы келісімді ратификациялау туралы" Қазақстан Республикасының заңына қол қойды.

Оқи отырыңыз: Армениядан Қазақстанға қауіпті қылмыскер жеткізілді: ол өмір бойына сотталуы мүмкін

Айта кетейік, осыған дейін Парламент Мәжілісі Қазақстан Үкіметі мен Армения Үкіметі арасындағы азаматтардың сапарлары мен болу тәртібі туралы келісімді ратификациялау туралы заңды қабылдаған болатын.