39 жастағы Ақтөбе қаласының тұр­­ғыны Мінәура Мұхтарова жуыр­­да он бірінші перзентін дү­ниеге әкелді. Салмағы – 3 680 грамм, бойының ұзын­дығы 57 см болып туған сәбиге Хантөре есімі берілді.

Отағасы Айдын Рамазанов қа­ла­дағы құрылыс ком­пания­ларының бірінде көлік жүр­гізушісі болып еңбек етеді. Мінәураның мамандығы – мұғалім. Енді отбасында Хантөрені қосқанда, жеті ұл, төрт қыз бар. Рамазановтардың тұңғышы 17 жаста. Мінәура он бірінші сәбиін өзінің туған күнінде өмірге әкелді. Олар қаланың Есет батыр шағын ауданындағы көпқабатты үйде тұрады.

Қасиетті Рамазан айында дүниеге келген сәбиді анасымен бірге 6 наурызда перзентханадан шығарды. Көпбалалы ананы облыстық перинаталдық орталықтың дәрігерлері салтанатпен шығарып салды.

Ақтөбе облысы