Бүгін күндіз Семейді бес көліктің қатысуымен ірі жол апаты болды. Зардап шеккен екі жүргізуші ауруханаға тексерілу үшін жіберілді, деп облыстық ПД-ға сілтеме жасаған KAZ.NUR.KZ хабарлайды.

Абай облысы полиция департаментінің ақпаратына сәйкес, жол апаты 20 қазанда сағат 16:29-да болған. Қаржаубайұлы көшесі бойында 60 жастағы жүргізуші тізгіндеген Hyundai Tucson жол қозғалысының қауіпсіздігіне көз жеткізбей және жылдамдық режимін сақтамағандықтан, алдында тұрған Nissan Skyline-мен көлігімен соқтығысқан.

Салдарынан Toyota Camry, Hyundai Tucson, Volkswagen Golf және Kia Bongo маркалы көліктердің қатысуымен жаппай жол апаты орын алды.

"Hyundai Tucson мен Nissan Skyline автокөліктерінің жүргізушілері медициналық мекемеге тексерілу үшін жеткізілді. Басқа жүргізушілер зардап шеккен жоқ, көліктеріне материалдық залал келтірілді. Аталған факті бойынша полиция қызметкерлері тексеру жүргізіп, жол-көлік оқиғасының мән-жайын және алған жарақаттардың ауырлық дәрежесін анықтауда", делінген ПД хабарламасында.

Мәтіннен қате тапсаңыз, бізге жазыңыз