Алматы әкімдігі құрылыс компанияларының бірін лицензиясынан айырды. Мердігер кәріз жүйесін жаңғыртумен айналысқан, деп хабарлайды KAZ.NUR.KZ.

Алматы қаласы қала құрылысын бақылау басқармасы AsiaMax ЖШС құрылыс компаниясының лицензиясын тоқтатты.

Аталған компания Әбіш Кекілбаев көшесінде кәріз жүйесі желілерін қайта жаңарту жұмыстарын жүргізген.

"Лицензияның күшін жоюға жұмыс кестесінің созылуы ғана емес, тұрғындардың наразылығын туғызған өрескел қателіктер де себеп болды.

Атап айтсақ, жобалық шешімдер ауытқыған, құрылыс барысында мемлекеттік нормалар сақталмаған", — делінген хабарламада.

Жоспардан тыс тексеріс нәтижесінде нұсқама беріліп, компания лицензиясынан айырылды.

Басқарма қаладағы құрылыс жұмыстарының сапасына бақылау жалғасатынын ескертті.

Мәтіннен қате тапсаңыз, бізге жазыңыз