Манамадағы Азия ойындарында Қазақстан құрамасының намысын 20 спорт түрі бойынша 220 жас спортшы қорғап жатыр.

Тас жолдағы велоспорттан Қазақстан құрамасының спортшысы Анель Ташбай Бахрейннің Манама қаласында өтіп жатқан жасөспірімдер арасындағы Азия ойындарында ел қоржынына бесінші алтын медальді сыйлады.

Анель Ташбай жекелей уақытқа жарыста үздік нәтиже көрсетіп, қашықтықты 17 минут 06.05 секундта бағындырды. Қытай өкілі Аофей Син 17:25.08 уақыт көрсеткішімен күміс жүлдегер атанса, Гонконгтан келген Чин Лоу (17:40.41) үздік үштікті түйіндеді.

Осы жеңістің нәтижесінде Қазақстан құрамасының қоржынында бес алтын медаль бар.

Айта кетейік, өткен жасөспірімдер арасындағы Азия ойындарында еліміз 13 жүлде, соның ішінде бір алтын медаль жеңіп алған еді.

Жарыстар 19 қазан күні басталып, 31 қазанға дейін жалғасады. Биылғы Азиадаға 45 ұлттық олимпиадалық комитеттен 8 мыңнан астам спортшы қатысып жатыр.