Ақтауда екі жүргізушінің жанжалы төбелеске ұласты. Мәселені жұдырықпен шешпек болған азаматтарды оқиға куәгерлері видеоға түсіріп алған. Бүгінде аталған жағдайға қатысты іс материалдары сотқа жіберілді, деп "Лада" басылымына сілтеме жасаған KAZ.NUR.KZ хабарлайды.

Оқыс оқиға бүгін саған 8:45 шамасында Grand Avenue тұрғын үй кешенінің қасында болды. Екі жүргізуші бір-біріне жол бермей, араларында жанжал туындаған.

Маңғыстау облысы полиция департаменті оқиғаға қатысты пікір білдіріп, істің мән-жайын айтты.Тәртіп сақшылары әлеуметтік желідегі мониторинг кезінде кикілжіңге қатысы бар ер адамдарды анықтаған.

Нәтижесінде екі азаматқа қатысты "Ұсақ бұзақылық" бабы бойынша әкімшілік хаттама толтырылды.

Іс материалдары сотқа жіберілді.

Ескерту! Видеода бейәдеп сөздер кездеседі!

Мәтіннен қате тапсаңыз, бізге жазыңыз