Қазақстанның халық жазушысы, ақын әрі ұлт жанашыры Мұхтар Шахановтың ұлы дүниеден озды. Суыт хабарды журналист, жазушы Құдияр Біләл жеткізді, деп хабарлайды KAZ.NUR.KZ.

"Мұхтар Шаханов ағамыздың ұлы Қуаныш Мұхтарұлы ұзаққа созылған ауыр науқастан кейін дүниеден озды. Иманы саламат болсын!" — деп жазды Құдияр Біләл Facebook-тегі парақшасында.

Желі қолданушылары ақынға қазаның арты қайырлы болсын деп қайғыра көңіл айтуда.

Сондай-ақ олар марқұм Қуаныш Мұхтарұлының қарапайымдылықты серік еткен, ақкөңіл, жақсы азамат болғанын жазып жатыр.

Естеріңізге сала кетейік, 2021 жылы Мұхтар Шахановтың тағы бір ұлы Рауан Шаханов өмірден өткен еді.

Мәтіннен қате тапсаңыз, бізге жазыңыз