"Қазгидромет" РМК 9 қарашаға арналған ауа райы болжамын ұсынды. Синоптиктер Қазақстанның басым бөлігінде қар жауып, жолдарда көктайғақ болатынын хабарлады. Астана мен тағы 13 өңірде күн райына байланысты ескерту жарияланды, деп хабарлайды KAZ.NUR.KZ.

Ақмола облысының батысында, солтүстігінде, шығысында қатты жауын-шашын, қар, жаяу бұрқасын, көктайғақ болады. 9 қарашада оңтүстік-батыстан соғатын жел солтүстікке ауысады, күші 15-20 м/с-қа, облыстың батысында, оңтүстігінде, шығысында екпіні 23-28 м/с-қа жетеді. 10 қарашада солтүстік-батыстан соғатын жел оңтүстік-батысқа ауысады, облыстың солтүстігінде, шығысында, оңтүстігінде екпіні 15-20 м/с-қа жетеді

Жамбыл облысының оңтүстігінде, таулы аудандарында тұман түседі. Оңтүстік-батыстан жел соғады, облыстың оңтүстік-батысында, солтүстік-шығысында, таулы аудандарында 15-20 м/с-қа, күндіз екпіні 23-28 м/с-қа жетеді.

Павлодар облысында жауын-шашын (жаңбыр, қар), жаяу бұрқасын, көктайғақ күтіледі. Оңтүстік-батыстан жел соғады, екпіні 15-20 м/с-қа, облыстың оңтүстігінде 23 м/с-қа жетеді.

Атырау облысының батысында тұман түседі.

Ұлытау облысының батысында, солтүстігінде жауын-шашын (жаңбыр, қар), көктайғақ, жаяу бұрқасын болады. Оңтүстік-батыстан жел соғады, таңертең және күндіз облыстың солтүстігінде, шығысында, орталығында екпіні 15-20 м/с-қа, кей уақыттарда 23 м/с-қа жетеді.

Қарағанды облысының батысында, солтүстігінде аздаған жауын-шашын, күндіз облыстың батысында, солтүстігінде жауын-шашын (жаңбыр, қар) болуы ықтимал. Облыстың батысында, солтүстігінде көктайғақ, жаяу бұрқасын. Оңтүстік-батыстан жел соғады, облыстың солтүстік бөлігінде екпіні 15-20 м/c-қа, күндіз кей уақыттарда 23 м/с-қа жетеді.

Астанада кей уақыттарда жауын-шашын (жаңбыр, қар), жаяу бұрқасын, көктайғақ болады. 10 қарашада кей уақыттарда қар, жаяу бұрқасын, көктайғақ күтіледі. 9 қарашада оңтүстік-батыстан жел соғады, күші 15-20 м/с-қа, күндіз кей уақыттарда екпіні 23 м/с-қа жетеді.

Солтүстік Қазақстан облысында жауын-шашын (жаңбыр, қар), жаяу бұрқасын, қөқтайғақ болады. Облыстың батысында, солтүстігінде, шығысында тұман күтіледі. Шығыстан, оңтүстік-шығыстан жел соғады, түнде облыстың оңтүстік-шығысында екпіні 15-20 м/с-қа, күндіз күші 15-20 м/с-қа, облыстың батысында, оңтүстігінде екпіні 23 м/с-қа жетеді.

Батыс Қазақстан облысының батысында, солтүстігінде тұман түседі. Жел батыстан, солтүстік-батыстан соғады, түнде облыстың солтүстігінде, шығысында екпіні 15-20 м/с-қа жетеді.

Ақтөбе облысында оңтүстік-батыстан соғатын жел солтүстік-батысқа ауысады, облыстың солтүстігінде, шығысында екпіні 15-20 м/с-қа жетеді.

Қостанай облысының солтүстігінде, шығысында қатты жауын-шашын (жаңбыр, қар), көктайғақ, жаяу бұрқасын болады. Облыстың батысында, солтүстігінде, шығысында тұман түседі. Оңтүстік-батыстан соғатын жел солтүстік-батысқа ауысады, екпіні 15-20 м/c-қа, күндіз облыстың солтүстігінде, шығысында кей уақыттарда 23 м/с-қа жетеді.

Шығыс Қазақстан облысының батысында, солтүстігінде, шығысында жауын-шашын (жаңбыр, қар), көктайғақ, жаяу бұрқасын күтіледі. Түнде және таңертең облыстың солтүстігінде тұман түседі. Жел оңтүстік-шығыстан, оңтүстіктен соғады, облыстың солтүстігінде, оңтүстігінде, орталығында 15-20 м/с-қа, күндіз екпіні 23 м/с-қа жетеді.

Абай облысының батысында, солтүстігінде, орталығында, күндіз облыстың солтүстігінде жауын-шашын (жаңбыр, қар), көктайғақ, жаяу бұрқасын болады. Жел оңтүстіктен, оңтүстік-батыстан соғады, облыстың батысында, солтүстігінде, орталығында 15-20 м/с-қа, екпіні 25 м/с-қа жетеді.

Түркістан облысының оңтүстігінде, солтүстігінде, таулы аудандарында тұман түседі. Оңтүстік-батыстан жел соғады, күндіз облыстың солтүстігінде, батысында, таулы аудандарында күші 15-20 м/с-қа жетеді.

Мәтіннен қате тапсаңыз, бізге жазыңыз