Ішкі істер министрінің орынбасары Санжар Әділов мәжіліс алаңында лифтте бес жасар балаға пышақпен шабуыл жасаған жасөспірімді ұрды деп айыпталған психиатриялық ауруханасының қызметкерінің ұсталуына қатысты пікір білдірді, деп хабарлайды Zakon.kz тілшісі.

Спикер қазіргі уақытта лифтте балаға шабуыл жасау фактісі бойынша қылмыстық іс жүріп жатқанын атап өтті.

"Қазір күдікті қамауда, стационарлық психологиялық сараптамадан өтуде. Оны бір ай ішінде аяқтау жоспарлануда, содан кейін қылмыстық іс материалдарын сотқа жібереміз. Ал кәмелетке толмаған күдіктінің денсаулығына зиян келтірген санитарға келсек, бұл факті бойынша сотқа дейінгі тергеу амалдары жүргізілуде. Қылмыстық іс қозғалды. Қазіргі уақытта біз осы істің барлық мән-жайын анықтауға бағытталған бірқатар тергеу әрекеттерін жүргізіп жатырмыз. Сонымен қатар, тергеу нәтижелері бойынша біз уәкілетті медициналық органға алдағы уақытта мұндай заң бұзушылықтардың алдын алу туралы актіні ұсынатын боламыз", – деп толықтырды Санжар Әділов.

Ол қылмыстық іске бір тәртіп сақшысының қатысы бар екенін де растады.

2025 жылдың 11 ақпанында психиатриялық диспансерде есепте тұрған кәмелетке толмаған жігіттің лифтте пышақпен 5 жасар баланың бетін тіліп кеткені хабарланған. Зардап шеккен бала көп қан жоғалтқанымен, дәрігерлер аман алып қалды. Жасөспірім қоғамнан оқшауланбаған және дұрыс емделсе, қауіп төндірмейтіні белгілі болды.

Оқиғадан кейін ҚР Денсаулық сақтау министрлігі мұндай диагнозы бар науқастарды белсенді емдеу және бақылау аурухана қабырғасында жүретінін атап өтті. Шыққаннан кейін дәрі-дәрмекпен қамтамасыз ету жауапкершілігі ішінара ата-аналар мен қамқоршыларға жүктеледі. Психиатриялық көмектің тек стационарларда ғана емес қолжетімді болуын қамтамасыз ету үшін амбулаториялық емханаларда Психикалық денсаулық орталықтарын ашу туралы шешім қабылданды.

Кейін жасөспірімнің жалғызбасты ана тәрбиесінде екені белгілі болды.