"Қазгидромет" РМК 24 қарашаға арналған ауа райы болжамын ұсынды. Синоптиктер күн райының бұзылуына орай еліміздің басым бөлігінде ескерту жариялады, деп хабарлайды KAZ.NUR.KZ.

Ұлытау облысының солтүстігінде, шығысында, орталығында кей уақыттарда тұман түседі. Оңтүстік-батыстан соққан желдің облыстың солтүстігінде екпіні 15-20 м/с-қа жетеді.

Батыс Қазақстан облысында және орталығында да тұман болады.

Астанада 24 қарашада көктайғақ, тұман түседі деп болжанады. Оңтүстік-батыстан солтүстік-шығысқа ойыса жел соғады, түнде және таңертеңгі екпіні — 15-20 м/с-қа жетеді.

Түнде Қостанай облысының солтүстігінде, шығысында жауын-шашын (жаңбыр, қар), көктайғақ, облыстың батысында, солтүстігінде, шығысында тұман, жаяу бұрқасын болады. Түнде облыстың шығысында, оңтүстігінде батыстан, оңтүстік-батыстан жел соғады, екпіні 15-20 м/с-қа жетеді.

Қарағанды облысының солтүстігінде, шығысында жауын-шашын (жаңбыр, қар), көктайғақ, тұман болып, жаяу бұрқасын жүреді деп күтіледі. Облыстың солтүстігінде, шығысында оңтүстік-батыстан жел соғады, екпіні 15-20 м/с-қа жетеді.

Түнде және таңертен Жетісу облысының орталығында, таулы аудандарында тұман түседі. Оңтүстік-батыстан жел соғады, Алакөл көлдері аудандарындағы екпіні 17-22 м/с-қа жетеді.

Қызылорда облысының орталығында, оңтүстігінде, солтүстігінде және орталығында да тұман түседі.

24-25 қарашада Жамбыл облысының оңтүстігінде, таулы аудандарында тұман болады деп болжанады. Оңтүстік-шығыстан солтүстік-шығысқа ойыса жел соғады, 25 қарашада күндіз облыстың оңтүстік-батысында, солтүстік-шығысында, таулы аудандарында соққан желдің екпіні 15-20 м/с-қа жетеді.

Түнде және таңертең Атырау облысының батысында, солтүстігінде, оңтүстігінде және орталығында да тұман түседі.

Түнде Ақмола облысының шығысында, орталығында қатты жауын-шашын (жаңбыр, қар), облыстың солтүстігінде, шығысында, орталығында көктайғақ болып, жаяу бұрқасын жүреді. Облыстың батысында, оңтүстігінде, шығысында тұман түсу ықтималдылығы жоғары. Түнде және күндіз облыстың солтүстігінде, шығысында оңтүстік-батыстан солтүстік-шығысқа ойыса соққан желдің екпіні 15-20 м/с-қа, кей тұста 23 м/с-қа дейін жетеді.

Түнде және таңертең Түркістан облысының оңтүстігінде, таулы аудандарында тұман түседі.

Түнде Солтүстік Қазақстан облысында жауын-шашын (жаңбыр, қар), облыстың батысында, солтүстігінде, шығысында тұман, қөктайғақ болып, жаяу бұрқасын жүреді. Солтүстік-батыстан, батыстан соққан желдің түндегі екпіні 15-20 м/с-қа, облыстың оңтүстігіндегі екпіні 23 м/с-қа жетеді.

Түнде және таңертең Алматы облысының орталығында, оңтүстігінде тұман түседі.

Түнде Шығыс Қазақстан облысының солтүстігінде, шығысында аздап қар жауады, күндіз жауын-шашын (жаңбыр, қар) болады деп күтіледі. Түнде облыстың солтүстігінде көктайғақ пен жаяу бұрқасын болжанады. Облыстың солтүстігінде, шығысында оңтүстік-шығыстан оңтүстік-батысқа ойыса соққан желдің екпіні 15-20 м/с-қа, күндіз кей тұста 25 м/с-қа жетеді.

Түнде Абай облысының батысында, солтүстігінде, күндіз облыстың шығысында, орталығында қатты жауын-шашын (жаңбыр, қар), көктайғақ болып, жаяу бұрқасын жүреді. Облыстың батысында, солтүстігінде, орталығында оңтүстік-батыстан солтүстік-батысқа ойыса соққан желдің екпіні 15-20 м/с-қа, кей тұстағы екпіні 23-28 м/с-қа дейін жетеді.

Павлодар облысында жауын-шашын (жаңбыр, қар), облыстың батысында, оңтүстігінде, шығысында тұман, көктайғақ болып, жаяу бұрқасын жүреді. Оңтүстік-батыстан солтүстік-батысқа ойыса соққан желдің екпіні 15-20 м/с-қа, облыстың оңтүстігінде 23 м/с-қа жетеді.

Түнде және таңертең Ақтөбе облысының солтүстігінде тұман түседі.

Мәтіннен қате тапсаңыз, бізге жазыңыз