28 қарашада Астанада NXplorers: Ozgeris Lab 2025 республикалық ғылыми-танымал фестивалі өтеді. Оған республиканың түкпір-түкпірінен оқушылар, педагогтар, тәлімгерлер, эко-көшбасшылары мен білім беру экожүйесінің өкілдері қатысады.

Фестивальда 2025 жылдың үздік деп танылған жоба авторларына 1 млн теңге көлеміндегі гранттар тапсырылмақ.

Ұйымдастырушылардың айтуынша, фестивальдің негізгі идеясы — "Ойдан өзгеріске", ол жүйелік ойлау философиясы мен құралдары арқылы ойдан іс-әрекетке көшуді білдіреді. Іс-шара тұжырымдамасы түсінуден нақты тұрақты шешімдер жасауға қарай қозғалысты бейнелейтін қадам метафорасына негізделген.

NXplorers: Ozgeris Lab 2025 — оқушылар мен педагогтар өзара байланыстарды көруге, жүйелерді талдауға, салдарларды зерттеуге және экология мен қоғам үшін шешімдер жасауға үйренетін болашақтың ашық зертханасы. Фестиваль кезінде қатысушылар үшін интерактивті дәрістер, NX Thinking құралдарының көрсетілімдері, білім беру практикумдары, зерттеу іс-әрекеттері ұсынылып, "Дарын" Республикалық ғылыми-практикалық орталығының қолдауымен өтетін оқушылардың экологиялық жобаларына арналған "NXplorers: Жасыл ұрпақ бәйгесі" байқауының финалдық кезеңі өтеді. 2025 жылдың ең үздік жобалары анықталып, бес командаға өз жобаларын жүзеге асыру үшін берілетін 1 000 000 теңгелік гранттарды табыстау рәсімі өтеді.

Қатысушыларды зерттеу аймақтары, воркшоптар, NX Tools Showcase тікелей көрсетілімдері, барлық алаңдардан live режимінде трансляциялар, оқушыларға арналған ғылыми белсенділіктер, сондай-ақ PlayLab күтіп тұр — бұл Telegram-бот арқылы геймификация, мұнда әр қатысушы Ozgeris агенті болып, ұпай жинап, жүлделер алу үшін аналитикалық, шығармашылық және командалық миссияларды орындайды.

"Ozgeris бізден басталады" атты Future Pulse қорытынды рәсімі фестивальді аяқтайды: қонақтарды бейне-дайджест, 2025 жылдың үздік NX-жобаларын марапаттау күтіп тұр. Қатысушылар жүйелік ойлау құралдарын қолдана алады, сарапшылармен танысады және тап ертең енгізуге болатын идеяларды ашады.

Фестиваль Shell NXplorers халықаралық бағдарламасы аясында, Шелл Қазақстан және «Дарын» РҒПО қолдауымен «Caravan of Knowledge» корпоративтік қорының ұйымдастыруымен өтіп жатыр.

Кіру тегін, алдын ала тіркелу арқылы: https://zhasylurpak.com/shell_reg

Мәтіннен қате тапсаңыз, бізге жазыңыз