Гонконгта 90-нан астам адам көз жұмған жойқын өрт толық сөндірілді. Оқиға орнында құтқарушылар әлі жұмыс істеп жатыр, ал билік қайғылы оқиғаға байланысты тергеу жүргізіп жатыр, деп хабарлайды РИА Новостиге сілтеме жасаған KAZ.NUR.KZ.

Өрттің сөндірілгені туралы ақпарат Қытайдың орталық телевизиясы арқылы хабарланған. Қазіргі уақытта құтқарушылар пәтерлерді тексеріп жатыр.

"Өрт сөндірілді, құтқару жұмыстары жалғасып жатыр, ешкім қамалып қалмағанына көз жеткізу үшін барлық пәтер тексерілуде", — делінген хабарламада.

Жергілікті South China Morning Post басылымының мәліметінше, өрт тұрғын үй кешенін қайта жаңғырту жоспары бойынша үйлердің маңында жүргізіліп жатқан, бамбук қалқандары пайданылған құрылыстан басталып, тараған.

Қазір Гонконг билігі тергеу жүргізіп жатыр, өртке байланысты абайсызда адам өліміне әкелді деген айыппен үш адам қамауға алынған.

Мәтіннен қате тапсаңыз, бізге жазыңыз