Қазақстан құрамасының дзюдошысы Әбиба Әбужақынова Абу-Дабиде (БАӘ) өтіп жатқан Grand Slam турнирінде үшінші орын алды. Бұл туралы ұлттық Олимпиада комитетінің баспасөз қызметіне сілтеме жасаған KAZ.NUR.KZ хабарлайды.

48 келіге дейінгі салмақта қола медаль үшін өткен белдесуде Әбиба Испания спортшысы Ева Перес Солермен күресті.Тартысты белдесуде отандасымыз жеңіске жетті.

Осылайша, Әбужақынова жеңіс тұғырының үшінші сатысына көтерілді.

Айта кетейік, алғашқы жарыс күні финалдық кезеңге тек Әбиба Әбужақынова жетті.

Бұған дейін Абу-Дабиде өтетін Grand Slam турнирінде Қазақстан намысын қорғайтын спортшылардың тізімі жарияланғанын хабарлаған едік.

Мәтіннен қате тапсаңыз, бізге жазыңыз