11 желтоқсанда Алматы көшелерінде көктайғақ болады. Осыған байланысты қалалық ТЖД өкілдері қауіпсіздік шараларын ұсынды, деп хабарлайды KAZ.NUR.KZ департаменттің баспасөз қызметіне сілтеме жасап.

Синоптиктер Алматыда 11 желтоқсанда жолдар көктайғақ болатынын айтады. Сондай-ақ түнде Алматы облысының солтүстігінде, таулы аудандарында 25 градусқа дейінгі қатты аяз күтіледі. Ал жел екпіні секундына 15-20, кей уақытта 24-29 метрге дейін жетеді деп күтіледі.

Ауа райының қолайсыздығына байланысты ТЖД қала тұрғындары мен қонақтарына қауіпсіздік шараларын сақтауды ұсынды.

"Электр желісіне шамадан тыс жүктеме артпаңыз, бірнеше құрылғыны бір розеткаға қоспаңыз, электр құралдарын қараусыз қалдырмаңыз, пеш мұржаларының тығыздығын тексеріп отырыңыз – бұл әрекет улы газдың өтуіне жол бермейді", — делінген хабарламада.

Одан бөлек қонақтар мен туристерге тауға барудан бас тарту ұсынылады.

ТЖД өкілдері мұзда жарақат алмас үшін қарапайым ережелерді сақтауды ескертеді:

• Аяғыңыздың астын байқап, мұқият болыңыз әсіресе баспалдақтарда, ғимарат кіреберістерінде;
• Табаны сырғанамайтын аяқ киім киіңіз;
• Қолыңызды қалтаға салмаңыз – бұл құраған жағдайда тепе-теңдікті сақтауға көмектеседі.
• Аялдамаларда, тротуарларда, сатыларда және басқа да тайғақ жерлерде абай болыңыз – бұл қауіпті аймақтар.

Мәтіннен қате тапсаңыз, бізге жазыңыз