Маңғыстаудан жеткен «Көшбасшылар керуені» Астананың медиа және саяси сипатымен танысады. Бүгін облыстың қоғамдық кеңес мүшелері мен белсенділері Қазмедиа орталығын аралады.

Олар телеарналар және орталық коммуникациялар қызметінде болды. Сондай-ақ Парламенттің қос палатасына барып, депутаттармен көкейтесті мәселе талқылап, соның шешілу жолдарын қарастырады. Жалпы, «STUDY TOUR» бағдарламасы аясында 5 күнде мемлекеттік органдардың жұмысымен танысып қана қоймай, өңірдің дамуына қатысты түйткілдер сөз болмақ. Қоғамдық кеңес мүшелері мен үкіметтік емес ұйым өкілдерінің арнайы тренингтен өтуі де жоспарланған. Осылайша, көшбасшылық, коммуникация және құқықтық дағдыларды күшейту көзделып отыр. Делегация құрамында 15 қатысушы бар. Олар облыстық кезеңде 50 адам арасынан іріктелген. Жобаны ұйымдастырушы Қазақстан азаматтық альянсы.

Қайырғали Қалмұқанов, Маңғыстау облысы Қоғамдық кеңесінің мүшесі:

- Бұның бәрі біздің сауатымызды ашуға және халықпен жұмыс істеу, белсенділікті көтеру, өз-өзімізді дамыту мақсатында ұйымдастырылған шара. 15 адамның қатарында әртүрлі бағыт. Оның ішінде мұғалімдер де бар. Денсаулық саласынан да бар. ЖКХ саласынан өзім келіп тұрмын. Депутаттар бар, сондай белсенді азаматтар келіп отыр.