Сыртқы істер министрлігінің бұрынғы ресми өкілі Айбек Смадияров Президент Әкімшілігінде жаңа лауазымға ие болды, деп хабарлайды Ақордаға сілтеме жасаған KAZ.NUR.KZ.

"Мемлекет басшысының өкімімен Айбек Серікбайұлы Смадияров Қазақстан Республикасы Президенті Әкімшілігінің Ішкі саясат бөлімінің меңгерушісі лауазымына тағайындалды", — делінген хабарламада.

Естеріңізге сала кетейік, жақында өткен баспасөз мәслихатында Айбек Смадияров Сыртқы істер министрлігінің ресми өкілі қызметінен кететінін мәлімдеген еді.

ҚР СІМ-нің ресми сайтындағы мәліметке сүйенсек, Айбек Смадияров 1983 жылы 7 шілдеде Оңтүстік Қазақстан облысында дүниеге келген.

Абылай хан атындағы Қазақ халықаралық қатынастар және әлем тілдері университетін бітірген.

Мансап жолын 2005 жылы "Қазақстандағы Қытай банкі" АҚ-ның Административтік департаментінің маманы болып бастаған.

2006-2008 жылдары – ҚР СІМ Консулдық қызмет департаментінің маманы.

2008-2010 жылдары – ҚР СІМ Еуропа департаментінің атташесі, үшінші хатшысы.

2010-2012 жылдары – Қазақстанның Мажарстандағы елшілігінде үшінші хатшы.

2012-2013 жылдары – ҚР президентінің баспасөз қызметінің сарапшысы.

2013-2014 жылдары – ҚР СІМ Сыртқы саяси сараптау мен болжамдау комитетінің бірінші хатшысы.

2014-2018 жылдары – Вьетнамдағы ҚР елшілігінде екінші, бірінші хатшы.

2018-2019 жылдары – ҚР СІМ баспасөз қызметінің басшысы.

2019-2023 жылдары – ҚР СІМ Халықаралық ақпарат комитеті төрағасының орынбасары – баспасөз хатшысы.

2023-2025 жылдары – ҚР СІМ Коммуникациялар департаментінің директоры – ресми өкілі.

2025 жылғы наурыздан бастап желтоқсанға дейін ҚР СІМ Халықаралық ақпарат комитетінің төрағасы – ресми өкілі қызметін атқарды.

Дипломатиялық дәрежесі: IІ сыныпты төтенше және өкілетті уәкіл. Ағылшын, түрік тілдерін меңгерген.

Мәтіннен қате тапсаңыз, бізге жазыңыз