Шымкенттен Таиландқа жаңа әуе бағыты ашылды, деп хабарлайды Көлік министрлігіне сілтеме жасаған KAZ.NUR.KZ.

Ведомствоның мәліметінше, 15 желтоқсанда қазақстандық SCAT әуекомпаниясы Шымкент – Бангкок жаңа әуе бағытын іске қосты.

Рейстер аптасына екі рет — дүйсенбі және бейсенбі күндері — Boeing 737 MAX 8 және Boeing 737–800 типті әуе кемелерімен орындалады.

Аталған әуе қатынасының ашылуы екі ел арасындағы сауда-экономикалық, туристік және іскерлік ынтымақтастықтың одан әрі дамуына ықпал етеді деп күтіліп отыр.

Естеріңізге сала кетейік, бұған дейін Шымкенттен Тбилисиға тікелей рейс ашылғанын жазған едік.

Мәтіннен қате тапсаңыз, бізге жазыңыз