Мемлекет басшысы Аустралия премьер-министріне көңіл айту жеделхатын жолдады, деп хабарлайды Ақордаға сілтеме жасаған KAZ.NUR.KZ.

Президент Қасым-Жомарт Тоқаев Сиднейдегі Ханука мейрамы кезінде болған қайғылы оқиғаға байланысты Аустралия премьер-министрі Энтони Албанизге көңіл айту жеделхатын жолдады.

Мемлекет басшысы қаза тапқан жандардың отбасылары мен жақындарына көңіл айтып, зардап шеккен азаматтардың тезірек сауығып кетуіне тілектестігін білдірді.

Қасым-Жомарт Тоқаев жантүршігерлік қылмысты қатаң айыптап, еліміздің атынан осы қиын сәтте Аустралия халқына сабыр тілейтінін жеткізді.

Естеріңізге сала кетейік, 14 желтоқсанда Сиднейдегі жағажайлардың бірінде Ханука мерекесін тойлау кезінде атыс болып, салдарынан адамдар жарақат алып, қаза тапты.

Жергілікті басылым оқиға орнына көлікпен келген екі ер адам көпшілікке оқ жаудырғанын жазды. Полиция олардың бірінің көзі жойылғанын мәлімдеді.

Кейінірек атысты ұйымдастырған екі ер адамның әкесі мен ұлы екені белгілі болды. Полиция бастығы бұл оқиғаны террорлық акт деп атады.

Кеше, 15 желтоқсанда шабуылдан қаза тапқандар саны 16 адамға дейін өскені хабарланды.

Мәтіннен қате тапсаңыз, бізге жазыңыз