Төтенше жағдайлар министрлігінің мәліметінше, оқиға түнгі уақытта Жарқайың ауданында болған. Қостанай облысының шекарасынан Державинск қаласы бағытына жолға шыққан жеңіл көлік қарлы жолдан шығып, далаға түсіп кеткен. Жолсыз жерде қалған жолаушылар бағыт-бағдарын жоғалтып, өз бетімен шыға алмаған.

Оқиға орнына жедел жеткен құтқарушылар алты адамды көліктен эвакуациялап, жылыту пунктіне орналастырды.

ТЖМ өкілдері қыс мезгілінде жолға шығарда сақтық шараларын қатаң сақтауға шақырды. Ауа райының күрт өзгеруі мен жолдағы қолайсыз жағдайларды ескеріп, алыс сапарды алдын ала жоспарлау қажеттігін ескертті.