4 шетелдіктің екеуі алкогольдік ішімдік ішкен.

Алматыда әуе рейсінің бортында шетелдіктер төбелес шығарды, деп хабарлайды inbusiness.kz сайы көліктегі полиция департаментіне сілтеме жасап.

Келеңсіз жайт "Алматы – Бангкок" бағытындағы әуе рейсінде орын алды.

"Желілік полиция бөлімінің қызметкерлері акті бойынша шетелдік 4 азаматты түсірді. Олардың екеуі алкогольдік масаң күйде болған. Өзара жанжал туындап, оның соңы төбелеске ұласқан", – дейді ведомство.

Әуе кемесінің бортында бұзақылық әрекеттер жасау фактісі бойынша қылмыстық іс қозғалды.

Құқық бұзушылардың екеуі уақытша ұстау изоляторына қамалды.