Тілсіз жаудың нақты неден шыққаны әзірге белгісіз.

Оқыс оқиға бүгін Қосшы қаласында тіркелген, деп хабарлайды inbusiness.kz сайты.

Бұл туралы Ақмола облысы Төтенше жағдайлар департаментінің баспасөз қызметі мәлім етті.

– Бүгін Қосшы қаласында мектептердің бірінің аумағында жолаушылар автобусынан өрт шықты. Өрттің аумағы 10 шаршы метрді құрады. Тілсіз жау жедел түрде ауыздықталды. Қаза тапқандар мен зардап шеккендер жоқ, – делінген хабарламада.

Өрттің шығуына электр сымдарының қысқа тұйықталуы себеп болғаны жайлы ақпарат кездеседі. Бірақ, әлі нақтыланбады.

Өз кезегінде Төтенше жағдайлар департаменті кез келген оқыс оқиға туындаған жағдайда 101 немесе 112 нөмірлеріне хабарласу керегін ескертеді. Әрі тұрғындарды өрт қауіпсіздігін сақтауға шақырады.