Футбол клубы жаңа стадион құрылысы мен Олд Траффорд ауданын жаңғырту бағдарламасы Ұлыбритания экономикасына жыл сайын қосымша 7,3 миллиард фунт әкеледі деп отыр.

"Манчестер Юнайтед" футбол клубының баспасөз қызметі өзінің ресми сайтында жаңа стадион құрылысы жоспарланып отырғанын хабарлады, деп хабарлайды inbusiness.kz сайты.

"Біздің клубтың ұзақ мерзімді мақсаты – әлемдегі ең жақсы футбол командасының ең жақсы стадионда ойнауға мүмкіндігінің болуы. Олд Траффорд стадионын қалпына келтіру бойынша жұмыс тобымен жасалған жұмыс үшін алғыс білдіреміз. Біз олардың қорытындыларын, сондай-ақ мыңдаған жанкүйер мен жергілікті тұрғындардың пікірлерін мұқият ескеріп, жаңа стадион салудың дұрыс шешім екеніне көзіміз жетті", — деді "Манчестер Юнайтед" клубының атқарушы директоры Омар Беррада.