2014 жылы оқу бітірген екібастұздық кәсіпкер бұған дейін өзі оқыған мектепті 1 миллион теңге ақшалай қаражатпен қолдаған. Енді білім бәйгесінде алға суырылып шыққан түлекке қолдау көрсетпек ниетте.

Кәсіпкер Мереке Байжан биылғы Ұлттық бірыңғай тестілеуде 140 ұпай жинаған мектеп түлегіне бес миллион теңгенің сертификатын тапсырмақ, деп хабарлайды inbusiness.kz сайты pavlodarnews.kz-ке сілтеме жасап.

"Зерде" мамандандырылған мектебінің түлектері тарапынан игі бастамалар жиі көтеріледі. Былтырғы жылдың қараша айында мектеп түлегі Мереке Байжан мектептің пән олимпиадасында жетістікке жеткен 11-сыныптың екі оқушысына 30 мың теңгеден стипендия тағайындаған болатын.

Бұл жолы да тамаша бастамасымен түлектерді білімге ерекше талпындырмақ.