Түркістанда адамдар уланған оқиғаға қатысты тергеу басталды, — деп хабарлайды Massaget.kz тілшісі otyrar.kz-ке сілтеме жасап.

Түркістан облысы Полиция департаментінің баспасөз қызметі мәліметінше, улану дерегі бойынша сараптама тағайындалған.

Полиция ҚР ҚК-нің 304-бабы "Санитариялық қағидаларды немесе гигиеналық нормативтерді бұзу" бойынша тергеу жүргізіп жатыр.

Түркістан облысының санитариялық-эпидемиологиялық бақылау департаменті өңірде нақтыланбаған диагнозбен 57 науқас тіркелгенін мәлімдеді. Олардың ішінде Түркістан қаласынан 49 адам, Сауран ауданынан 6 адам, Түлкібас ауданынан 2 адам бар.

Бұған дейінгі оқиға

Еске салайық, бұған дейін Түркістанда жаппай астан улану дерегі тіркелгені хабарланды. Қалалық орталық ауруханаға 22 науқас жатқызылды. Ақпарат көздеріне сүйенсек, науқастардың жасы 12 мен 14 аралығында.

"Барлығы да сушиден ұшынған болуы мүмкін. Дәрігерлер "Тағамдық токсикоинфекция, болжамды жағдай" диагнозын қойды. Ем қабылдап жатқан науқастардың жағдайы қалыпты", — деп жазылған бұған дейінгі мәліметте.

Өзекті жаңалықтарды өз уақытында оқу үшін Facebook парақшамызға жазылыңыз!