Барлық өнім уақытша сақтау қоймасына жіберілді.

Құқық қорғау органдары мен ҚР Ауыл шаруашылығы министрлігі Ветеринариялық бақылау және қадағалау комитетінің аумақтық инспекциясының мамандары Астана қаласында заңсыз жұмыс істеп тұрған ет өңдеу цехын анықтады, деп жазады inbusiness.kz сайты.

Тексеру барысында цехтың санитарлық талаптарға сай келмейтіні және өнімдердің қажетті құжаттарсыз сақталғаны анықталды.

Мұндай жағдайлар адам денсаулығына елеулі қауіп төндіреді.

Рұқсат құжаттарынсыз қой етін өңдегені үшін "С" ЖК цехы және ветеринарлық құжаттарсыз ұсақ малдың басын сақтағаны үшін "Д" басшылығындағы сою пункті әкімшілік жауапкершілікке тартылды.

Тұрғындарға мал шаруашылығы өнімдерін сатып алу кезінде олардың сапасы мен қауіпсіздігін растайтын құжаттарға ерекше назар аудару ұсынылады.