Қасым-Жомарт Тоқаев Ұлттық құрылтай барысында Курчатов қаласының екінші ғылым қалашығы бола алатынын жеткізді.

Әрі осы жоспардың сұрауы қатты болатынын жауаптыларға қатаң ескертті, деп хабарлайды inbusiness.kz сайты.

Президенттің сөзінше, ондағының бәрі шынайы есеп-қисапқа және табанды жұмысқа негізделуі керек.

– Ғалымдардың пікірінше, тиісті дәстүрі мен тәжірибесі бар Курчатов қаласы екінші ғылым қалашығы бола алады. Бірақ мынаны ескерткім келеді: осы жоспардың бәрі шынайы есеп-қисапқа және табанды жұмысқа негізделуге тиіс. Көзбояушылық пен көпірме сөзге әбден тойдық. Сұрауы қатты болады, – деп ескертті Мемлекет басшысы.

Осыған дейін Қасым-Жомарт Тоқаев "Қазақ халқы өзгелерден кем емес, бұл – ақиқат, бірақ артық та емес" деген пікірін білдірген еді.