Тұтынушы құқығын қорғайтын заңға өзгерту енгізу қажет. Бүгін мемлекеттік жауапты органдардың өкілдері мен депутаттар осы мәселені көтерді. Айтуларынша, салада қордаланған мәселе көп. Оны шешу үшін 100-ге жуық ұсыныс түскен. Мәселен, қолданыстағы заңға сәйкес тұтынушы құқығы бұзылса, төрт сатыдан өтіп, содан кейін ғана сотқа жүгіне алады. Ал жаңа құжатта қағазбастылықты азайту көзделген. Медицина, көлік, туристік және байланыс қызметі салаларында тұтынушы құқығына нұқсан келген болса, жауапты органға дереу шағымдана алады. Шығынға ұшыраған жағдайда ақшасын қайтаруға қаржы нарығын реттейтін агенттік жауапты болады. Заң жобасы алдағы қыркүйекте Мәжіліс қарауына ұсынылады.

Серік Құсайынов, ҚР СИМ тұтынушылар құқықтарын қорғау комитетінің орынбасары:

-Оған қоса, Омбудсман институты құрылады. Мысалы, бизнес саласында Омбудсман институты бар. 20 миллион халық тұтынушы болып саналады. Ондай институт жоқ. Заң қабылданған кезде болады. Сонымен қатар электронды саудада нормаларды, ережелерді келтірдік.