0:00:00

Жаңалықтарды Telegram арнамыздан оқыңыз!

Солтүстік Қазақстан облысының кей аудандарында бір тәулікте жаңбырдың 10 күндік мөлшері жауды. Мамандарлың айтуынша бұл құбылыс қардың тез еруіне және өзен-көлдердегі мұздың жұқаруына әсер етеді. Синоптиктер болжамынша қарлы-жаңбыр 5 күн бойы жағасады. Тұман түсіп, көкайғақ болуы ықтимал. Теріскейдегі әріптесім Эльмира Кәленова тарқатады.

Эльмира Кәленова, тілші:

Қызылжар өңірінде күн жылына бастады. Кешеден бері термотер бағаны 0 + 2 градусты көрсетіп тұр. Синоптиктер мәліметінше бір тәулікте облыста жауған жаңбырдың көлемі 6 миллиметрден асты. Ал 10 күндік норма 3-8 миллиметр аралығында. Әсіресе Айыртау және Ғабит Мүсірепов аудандарында сіркіреген жаңбыр толастамай тұр. Ғабит Мүсірепов ауданы су басу қаупі жоғары аймақтар тізіміне енгізілген болатын. Қазір тасқынға дайындық шаралары жүріп жатыр. Келер аптада Уәлиханов және Ғабит Мүсірепов аудандарына облыс орталығынан қажетті техника мен құтқарушылар жөнелтілмек. Облыста қарбалас басталғаны аңғарылады. Бөгетттер мен бөгендер нығайтылып жатыр. Төтенше жағдай департаментінде жедел штаб іске қосылды. Елді мекендерден қар шығарылып, арықтар тазаланып жатыр. Өзен-көлдерде мұз жару жұмыстары жүргізілуде. Бұл мақсатқа өткен жылмен салыстырғанда 5 есе көп қаржы бөлінді. Тұрғындар мен төрт түлікке арналған эвакуациялық пункттер әзірленуде.

Эльмира Кәленова