Әлемде қызылша өршіп тұр. Індеттің таралуы әсіресе Еуропа мен Орталық Азияда жоғары.

Былтыр бұл аймақтарда індет 130 мың адамнан анықталған. Мұндай көрсеткіш 1997 жылдан бері алғаш тіркелді. Дүниежүзілік денсаулық сақтау ұйымы осылай дейді. Ауруға шалдыққандардың 40%-ын бес жасқа дейінгі балалар құрайды. Жұқтыру деңгейі әсіресе Румынияда жоғары. Өткен жылы 30 мың адам шалдыққан. Мұнан соң Қазақстанда қызылша көп тараған. Былтыр 28 мыңнан астам жағдай тіркелді. Мамандар аурудың алдын алудың бірден бір жолы вакцина дейді. Екпе індетпен күресте 97% тиімді саналады. Ақпанда Ұлыбританияда қызылшаның 200-ден астам жағдайы тіркелді. Ал АҚШ-тың Техас пен Нью-Мексико штаттарында 250 адамнан анықталды. 2 адам аурудан көз жұмды.