Елімізде жылына 4 жарым миллион тонна қоқыс жиналады .

Ал оны қоршаған ортаға мейлінше зияны тимейтіндей етіп сұрыптау үшін "Таза Қазақстан" акциясы аясында бірқатар жұмыстар атқарылып жатыр. Мәселен, бүгін елордадағы Білім инновация лицейінде Экология және табиғи ресурстар министрі мен Оқу-ағарту министрі мектеп оқушыларының экологияны жақсартуға арналған ғылыми жобаларымен танысты. Дарынды оқушылардың бірі орман өртінің алдын алуға арналған арнайы дронды ойлап тапса, енді бірі қоқыс қалдықтарынан бөлінетін зиянды заттар көлемін азайтуды көздейтін соны тәсілді ұсынды. Сондай-ақ шара барысында мектепке пластик бөтелкелерді қабылдайтын фондамат пен қоқыс сұрыптауға арналған экобокстар қойылды. «EcoQolday» жүйесінің көмегімен жүзеге асқан бастама арқылы оқушылар қалдықтарды кәдеге дұрыс жаратып қана қоймай, экологиялық байқауға да қатыса алады.

Нұржан Қабдолданов, «Жасыл даму» АҚ Басқарма төрағасының орынбасары:

- «Жасыл даму» АҚ осы іс-шараның аясында мектептерге экобокстарды қойып жатыр. Одан басқа экосағаттар оқылып жатыр. Бұның барлығы оқушылар арасында экомәдениетті қалыптастыру жөнінде. Күзге таман конкурстың нәтижелері болады. Соның қорытындысы бойынша, қай мектеп ең көп қоқысты тапсырады соларға ыйлық қарастырылады.