Құқықтық тәртіпті нығайтудағы жастардың рөлі қандай? Батыс Қазақстан аграрлық-техникалық университетінде өткен семинарда осы мәселе талқыланды.

Іс-шара «Заң мен тәртіп» қағидаты аясында ұйымдастырылды. Сөз алғандар жастар арасында құқықтық тәртіп мәдениетін қалыптастыру мен құқықтық сананы дамытудың маңызына тоқталды. Осы арқылы қоғамдық құндылықтарды нығайтып, құқықбұзушылық деңгейін төмендетуге болатынын атап өтті. Білім беру мекемелері құқықтық сананы қалыптастыруда ерекше орын алатындықтан келешекте өзге де оқу орындарында осындай шаралар көптеп өткізілмек.

Мейрамбек Сәбитов, студент:

- Бұл шараның өте маңызы зор деп ойлаймын. Мысал келтіретін болсам, алаяқтар таныс емес нөмірден хабарласып, өздерін банк қызметкері ретінде таныстырып, картаның барлық нөмірін айтып, бұғатталып қалды деп сылтауларын айтып, сөйтіп адамдарды алдап жатыр. Сол себепті осы шарада өз-өзімізді қалай қорғауды түсіндірген болатын.