Ұлыстың ұлы күнін ел шығысындағы ауыл-аймақ жұрты думандата қарсы алып жатыр , деп хабарлайды 24kz.

Ұлан ауданындағы Бозанбайда бүгін ұлан асыр той. Ойдан қырдан жиналған ел жыл басын ән жырмен қарсы алды. Наурызнамаға сәйкес Ұлттық спорт ойындарын дәріптеуге ерекше мән беріліпті. Қазір

Эльмира Ахметова, тілші:

- Біз қазір Ұлан ауданы Бозанбай ауылында тұрмыз. Тау арасындағы елді мекеннің маңайында қар енді ғана еріп жатыр. Қатты жел соғып тұр. Дегенмен, жыл басын қарсы алу бұл жақта сән-салтанатпен өз деңгейіне басталды.

Бозанбай бүркітшілер ауылы болғандықтан, әрине, тойдың басты қонағы бүркітшілер болды. Ал осы ауданның өнерлі қыз-жігіттері әуелетте ән салып, күй шертіп, тұрғындарды думанды мерекені бірге қарсы алуға шақырды. Жиналғандар Түйелі көштің көрінісін де тамашалады. «Бұл ұзақ қыстың аяқталып, көктем лебінің келгенінен хабардар етеді», - дейді үлкендер. Ал аудандағы қолөнер шеберлері өз қолынан шыққан алаша, текемет көпшіктерін көрсетіп, көрме ұйымдастырды. Бүгін Наурызнама бойынша Ұлттық спорт күні. Сондықтан Наурыз мерекесінде ұлттық спорт түрлеріне ерекше көңіл бөлінді. Кір тасын көтеріп, күш сынасқан жастар да көп болды. Жалпы бұл тойға Ұланның барлық ауылындағы адамдар жиналды.

Наурызнама бойынша Ұлттық спорт ұлықталып жатыр. Мықтылар тай көтеруден, қой көтеруден сайысты. Ол мықтылардың арасында қыз-келіншектер де бар. Олар ешкі көтеріп, күш сынасты. Жеңімпаз құралақан қайтпайды. Марапатқа ие болады. Бозанбайда бүгінгі мейрам кешке дейін жалғасады.