0:00:00

Жаңалықтарды Telegram арнамыздан оқыңыз!

Жетісу облысының Панфилов ауданында 4 дәрігерлік амбулатория ел игілігіне пайдалануға берілді. Жаңа емдеу мекемелері Алмалы, Қырыққұдық, Тұрпан және Ақжазық елдімекендерінде ашылып, 9 мыңға жуық тұрғынға қызмет көрсетеді. Бұл ауылдарда бұған дейін ауырып сырқаған ағайынға медициналық көмек ескі немесе бейімделген ғимараттарда көрсетілп келген. Бір үлгіде салынған нысандардың әрқайсысы 450 шаршы метр. Барлық қажетті заманауи медициналық құрал-жабдықтары бар. Күндізгі бөлім, оңалту бөлмесі, зертхана және алғашқы жәрдем көрсетуге барлық жағдай жасалған.

Сарқыт Сұлтанғұлова, Алмалы аулының тұрғыны:

40 жылдан бері жыртық үйдің құдайы бар деп, ескі амбулаториямыз болды. Осы қыздардың арқасында сол амублаторияада өсіп өндік. Көп жолдамамен Жаркентке баруға тура келді. Талай ауруларымызбен Жаркентке бардық. Енді кәдімгідей өзіміз сарайымыз кеңейіп, кең дүниеге кіргендей болып қуаныштамыз барлығымыз.

Қуаныш Қанатұлы