«Жас сарбаз» шығармашылық ұжымы «I Love Tu danse» халықаралық байқауының жеңімпазы атанды, деп хабарлайды 24KZ. Ташкентте өнер көрсеткен кішкентай бишілер бас жүлде мен 7-13 жас аралығындағы «Үздік халық биі» номинациясында бірінші орынды иеленді. Халықаралық байқауға жалпы 36 шығармашылық ұжым қатысты.

«Жас сарбаз» балалар шығармашылық студиясы 2022 жылы Қорғаныс министрінің бастамасымен құрылған. Қазір мұнда 200-ге жуық бала хореография, актёрлік шеберлік, вокал және домбыра үйірмелеріне қатысады.