Премьер-министрдің орынбасары Қанат Бозымбаев энергетика және коммуналдық секторларды жаңғыртудың ресми сайтын іске қосуды тапсырды. Осылайша көпшілікке ұлттық жобаның маңызын түсіндіру көзделеді.

Жобалық кеңсе отырысында Қанат Бозымбаев: «Ұйымдастырушылық іркілістер мен сыбайлас жемқорлық тәуекелдерін болдырмайтын тетіктерді әзірлеу қажет», – деді. Сондай-ақ Smart Turmys бірыңғай платформасы іске қосылып, есепке алу аспаптарына қойылатын стандарттар мен техникалық талаптарды әзірлеу үшін жұмыс тобы құрылатыны айтылды.