АҚШ президенті Дональд Трамп 12 елдің азаматтарын АҚШ-қа кіруге толық немесе ішінара шектейтін құжатқа қол қойды.

Бұл туралы Рейтер агенттігі хабарлады. Ақ үй басшысы елдің ұлттық қауіпсіздік мәселесіне байланысты осы қадамға барған. Тыйымға сәйкес, Ауғанстан, Мьянма, Чад, Конго Республикасы, Экваториалды Гвинея, Эритрея, Гаити, Иран, Ливия, Сомали, Судан және Йемен елдерінің азаматтары Америка аумағына кіре алмайды. Сонымен қатар Трамп Бурунди, Куба, Лаос, Сьерра-Леоне, Того, Түрікменстан және Венесуэла азаматтарының аймаққа сапарын уақытша тоқтатты. Ақ үй бұл тыйым виза уақыты өтіп кеткен, сондай-ақ тексеру мен бақылау шаралары жеткіліксіз кей елдерге ғана қатысты екенін мәлімдеді.