Жамбыл облысының прокурорлары «Ашық есік күні» акциясын өткізді.

Шара аясында тұрғындар жылжымайтын мүлікті тіркеу, неке және отбасы қатынастары, сот актілерін орындау мәселелері бойынша мамандарға тікелей жүгіне алды. Апталық аясында облыстық прокуратураның цифрлық платформасы таныстырылды. Көпшілік өздерінің құқықтары туралы толық мәлімет алу мүмкіндігіне ие болды.

Нариман Торабеков, облыс прокурорының аға көмекшісі:

- Прокурорлар әрбір шалғай елді мекендерге шығып, 12 мыңнан аса тұрғын қабылдаудан өтті. Олардың жүйелі мәселелері шешілді. Атап айтар болсақ, Т.Рысқұлов ауданында шаруа қожалығының пай үлескерлерінің жері қайтарылды. Жамбыл ауданында мүмкіндігі шектеулі балаларға жаңадан мектеп ашылды. Қордай ауданында шаруа қожалығымен айналысатын 102 кәсіпкердің прокуратураның араласуымен кепілдік құжаттары қайтарылды.