Хуситтер Қызыл теңізде Грекияның екінші кемесін суға батырды. Eternity C жүк кемесі Либерия туын желбіретіп , Израильге бара жатқан.
«Рейтердің» хабарлауынша, шабуыл кезінде су көлігінде 25 экипаж мүшесі болған. Төртеуі қаза тапты. Жетеуін еуропалық сарбаздар құтқарған. Қалған 14 адамды хуситтер тұтқынға алды. АҚШ хуситтерді «адам ұрлады» деп айыптап, оларды тез арада босатуды талап етті. Хуситтер 2023 жылдың қарашасынан бері 100-ден астам кемені шабуылдады. Олар мұны Газа секторындағы палестиналықтарға қолдау көрсету ретінде жасап жатқанын айтады. Жақында Грекияның Magic Seas деп аталатын тағы бір кемесін атқылап, суға батырып жіберді.
Яхья Сареа, хуситтер әскерінің өкілі:
- Біздің әскери-теңіз күштеріміз Израильге бара жатқан грек кемесіне шабуыл жасады. Операция адамсыз, өзі жүретін кеме және 6 қанатты баллистикалық зымыранның көмегімен іске асқан. Нәтижесінде Грекияның жүк кемесі суға батырылды. Олар Израильмен ынтымастықты жаңғыртып, біздің тыйымды бұзды. Қызыл және Араб теңіздеріндегі Израильмен байланысы бар барлық кеме шабуылға ұшырайды.
Copyrigth © http://halyknewskz.com Email: news77.kz@gmail.com
BACK TO TOP