Сирия мен Израиль бітімге келді.

Бұл туралы АҚШ-тың Түркиядағы елшісі және Сирия жөніндегі арнайы өкілі Томас Баррак хабарлады. Келісім АҚШ мемлекеттік хатшысы Марко Рубионың қолдауымен жасалған. Бастаманы Түркия мен Иордания да қолдады. Еске сала кетейік, 16 шілде күні Израиль әскері Дамаскідегі сириялық бас штабтың ғимаратына және президент сарайына соққы жасаған еді. Операцияның мақсаты Эс-Сувейда провинциясында уақытша үкімет күштерімен шайқасып жатқан друздар қауымын қолдау болған.