Қордай бекетінен өтетін жолаушылар ағыны 4 есе, ал көліктер саны 2,7 есе артты .

Қырғыз Республикасымен шекарадағы тексеру аймағын реконструкциялаудан өтті. Енді мұнда 8 көлік жолағы мен 40 төлқұжат тексеретін кабина жұмыс істейді. Сонымен қатар Қарасу пунктінде де жаңғырту жұмыстары басталды. Бұл бекеттен өтетін көлік санын тәулігіне 700-ден 2 мыңнан дейін арттыруға мүмкіндік береді. Сондай-ақ жүк ағыны мен көлік қозғалысын жақсарту үшін де жағдайлар жасалмақ. Премьер-министр Жамбыл облысына жұмыс сапармен барып, шекаралық өткізу пункттерін жаңғырту жұмыстарын тексерді. Президент тапсырмаларының орындалу барысымен танысты. Олжас Бектенов Көлік министрі мен Шекара қызметіне жөндеу жұмыстарын сапалы әрі уақытылы орындап, құжат рәсімдеуде цифрлық технологияларды енгізуді тапсырды. Айта кетейік, ЕАЭО елдерімен шекарада 39 автокөлік өткізу пункті бар. Олардың екеуінде жөндеу аяқталды. Ал он бекетте жаңғырту жұмыстары басталды.