Еліміздің бірнеше өңірінде қар толастамай жауып тұр, деп хабарлайды 24kz.

Өткен тәулікте Ақмола, Ұлытау, Қарағанды және Қостанай облыстарында 8 жеңіл көлік ақ түтек боранның құрсауында қалып қойды. Құтқарушылар ондағы 27 адамды жылыту пунктеріне жеткізді. Жолаушылардың 11-і бала. «Ешкім медициналық көмекті қажет етпеді», - делінген Төтенше жағдайлар министрлігінің хабарламасында. Мамандар сапарға шығар алдында ауа райы болжамын бақылауға кеңес береді.