Йемендік хуситтер АҚШ-пен бейбіт келісім орнатуға әзір. Әл-Араби телеарнасы осылай деп хабарлады. Олардың мәліметіне қарағанда америкалықтар тарапынан қақтығысты шешуге қадам жасалса, қозғалыс өкілдері диалог жүргізуді бастайды. Әзірге бұған қатысты Ақ үй мәлімдеме жасаған жоқ.

Еске салайық, бірер күн бұрын Дональд Трамп Йеменде әскери операция жүргізуге ресми түрде рұқсат берді. Америкалық әскери әуе күштері Сана қаласы мен тағы бірнеше провинцияны бомбалады. Салдарынан 31 адам қаза тапты. 100-ден аса тұрғын зардап шекті.