0:00:00

Жаңалықтарды Telegram арнамыздан оқыңыз!

Қасым-Жомарт Тоқаевтың Президент болып, ел тізгінін қолына алғанына 6 жыл толады. Үкімет басшысы Олжас Бектенов осы 6 жылда ел экономикасы қандай нәтижеге қол жеткізгеніне тоқталды. Қазақстан коронавирус пандемиясынан бастап жаһандық геосаяси шиеленістерге дейінгі көптеген сын-қатерге қарамастан экономикалық дамуда елеулі нәтижелерге жетті. 2024 жылдың соңында жалпы ішкі өнім 288 миллиард долларды құрады. Мемлекет басшысы мұнайдан тыс салаларды дамытуға басымдық берді. Нәтижесінде шикізаттық емес салалар экономикалық өсудің қозғаушы күшіне айналуда. 2019-2024 жылдар аралығында өңдеу өнеркәсібінде өндіріс көлемі 31,4%-ға, құрылыста 96,3%-ға өсті. Тек 2024 жылдың өзінде өңдеу өнеркәсібінде жалпы құны 1,3 триллион теңге болатын 180 инвестициялық жоба іске асырылды. Нәтижесінде аталған секторда соңғы онжылдықтағы ең жоғары көрсеткішке – шамамен 6% өсімге қол жеткізілді.

Самал Қабышева