Қытайда болған жер сілкінісінен жүздеген тұрғын үйге зақым келді.

Әсіресе Мяньмамен шекаралас жатқан Жуйли қаласында шығын көп. Жойқын зілзала салдарынан мыңдаған адам ауызсу мен жарықсыз қалды. Көлік қозғалысы шектеліп, кейбір жерде байланыс үзілген. Соңғы мәліметке қарағанда апаттан 847 тұрғын үй мен ғимарат бүлінген. 2800-ге жуық адам зардап шеккен. Апат аудандарында жүздеген құтқарушы жұмыс істеп, арнайы техника қолданылып жатыр. Айта кету керек, магнитудасы 7,9 балдық жерасты дүмпуі кеше Юньнань провинциясында тіркелді. Қазір табиғи апаттан келген шығын көлемі есептеліп жатыр.